-3.91c
Երեվան
ուրբ, հնվ 30
Կ՚ուզեմ բոլորին շնորհակալութիւն յայտնել ձեր միտքերու, զգացումներու, յոյզերու, նամակներու, ցանկութիւններու համար: Պաքուի մէջ գերեվարուած Ռուբէն Վարդանեանի ձայնագրութիւնն իր դիմատետրեան էջին հրապարակած է «Ապրելու երկիր» կուսակցութեան համահիմնադիր Մանէ Թանդիլեանը:
«Ես դրանք շատ լաւ զգում եմ, ջերմութիւն եմ ստանում դրանցից: Ուզում եմ բոլորին տօնական տրամադրութիւն մաղթել: Ինչ-որ մի տեղ կարդացել եմ, որ ամենակարեւոր ճանապարհորդութիւնն ինքդ քո ներսում ճանապարհոդութիւնն է: Ինչքան շատ ես ուրախանում եւ կարողանում այդ ուրախութիւնը փոխանցել ուրիշներին, այնքան ուժեղանում ես: Պահպանէք տօնական տրամադրութիւնը, հրաշքի զգացողութիւնը ձեր եւ երեխաների մէջ, ինչ-որ նոր բանի սպասումը: Եթէ ժամանակ էք ունենում նայէք մանկական ֆիլմեր մուլտֆիլմեր, հեքիաթներ եւ մի ամաչէք երեխայ լինելուց:
Մենք կորցրել ենք հաւատն առ Աստուած եւ հաւատն ինքներս մեր նկատմամբ. շատ դժուար է այս աշխարհում մնալ ինչպիսին կաս, երբ չունես յենման կէտ: Ցանկանում եմ, որ բոլորդ ունենաք այդ յենման կէտը: Ուզում եմ ասել, որ ինձ հետ ամէն ինչ լաւ է: Շնորհաւորում եմ բոլորի տօները, շնորհակալ եմ բոլորիդ»:
