10.09c
Երեվան
շբթ, մրտ 14
Իրաքի մէջ Միացեալ Նահանգներու դեսպանատան տարածքը մարտ 14-ին ենթադրաբար հրթիռակոծուած է։ «Արմէնփրէս»-ի հաղորդմամբ՝ այս մասին կը յայտնէ Al Jazeera-ն։
«Պաղտատի մէջ ԱՄՆ դեսպանատան ուղղաթիռային հրապարակը խոցուած է հրթիռով»,– կը հաղորդէ հեռուստակայանը՝ յղում կատարելով իրաքցի պաշտօնեաներուն։
Լրատուամիջոցը կը յայտնէ, որ գրոհի հետեւանքով հնարաւոր զոհերու կամ աւերածութիւններու մասին տուեալներ դեռ հասանելի չեն։ Յստակ է միայն, որ դեսպանատան տարածքէն ծուխ կը բարձրանայ։
Միեւնոյն ժամանակ Մերձաւոր Արեւելքի որոշ լրատուամիջոցներ կը հաղորդեն, որ դեսպանատունը կրնար յարձակման ենթարկուած ըլլալ անօդաչու թռչող սարքի միջոցով։
