7.09c
Երեվան
երկ, դկտ 02
Վերջերս, Բերիոյ Հայոց Թեմի Բարեջան Առաջնորդ Գերշ. Տ. Մակար Սրբզ. Արք. Աշգարեան Լաթաքիա տուած այցի շրջածիրէն ներս այցելած է նաեւ Լաթաքիոյ Ս. Աստուածածին եկեղեցւոյ կիրակնօրեայ դպրոցը եւ ծանօթացած կիրակնօրեայ դպրոցի աշխատանքներուն։
Այս մասին «Արեւելք» տեղեկացաւ Լաթաքիոյ Ս. Աստուածածին եկեղեցւոյ կիրակնօրեայ դպրոցի դիմատետրեան էջէն, ուր, մասնաւորապէս, գրուած է՝
Բերիոյ Հայոց Թեմի Բարեջան Առաջնորդ Գերշ. Տ. Մակար Սրբզ. Արք. Աշգարեան և իր հետ ընկերակցող Քեսապի հոգեւոր տեսուչ Հոգշ. Տ. Եսայի Վրդ. Էօրտէքեան և Հոգշ. Տ. Արմէն Աբղ. Գալաճեան, այցելեցին Լաթաքիոյ Ս. Աստուածածին եկեղեցւոյ կիրակնօրեայ դպրոցը։
Շաբաթ 16,Նոյեմբեր 2024-ին առաւօտեան ժամը 11:30-ին, աշակերտութիւնը մեծ Խանդավառութեամբ դիմաւորեցին Առաջնորդ Սրբազան Հօր և զոյք հայր սուրբերը Աստուած օգնական և բարի գալուստ մաղթանքներով:
Սրբազան Հօր գլխաւորութեամբ միասնաբար Տէրունական աղօթքը, և Զգործս մաղթանքը աղօթելէն ետք երգուեցաւ Կիրակնօրեայ սուրբ յարկին քայլերգը:
Տեսուչ Քհնյ. հայրը Արժ. Տ. Վազգէն Աւագ Քհնյ. կատարեց բարի գալուստի խօսքը իր և ուսուցչուհիներու և աշակերտութեան անունով ապա հակիրճ ձեւով տեղեկութիւն փոխանցեց կիրակնօրեայ դպրոցի աշխատանքներուն մասին:
Պատրաստուած էր յատուկ յայտագիր ուսուցչուհիներու կողմէ դասարանային կարգով և աշակերտները ներկայացուցին իրենց սորված աղօթքները, սաղմոսները, մանկական հոգեւոր երգերը և եօթերորդ կարգի աշակերտ Վրէժ Տէյիրմէնճեան մեներգեց Կռունկ երգը, իսկ պատանեկան միաւորը իր կարգին մասնակցութիւն բերաւ Որք Զաթարեցին շարականը երգելով, Եկեղեցին Հայկական, որտեղ վերջին երկու համարները մեներգեցին պատանի Յակոբ Աղա Ակիկեան և Նայելա Հանունիկ, և ապա Հաւատամքը: Զոյգ հայր սուրբերը խանդավառուելով, իրենք ալ իրենց մասնակցութիւն բերին Աստուածամօր նուիրուած շարականներ երգելով:
Աւարտին Առաջնորդ Սրբազան Հայրը փոխանցեց իր օրհնութիւններն ու բարեմաղթանքները կիրակնօրեայ դպրոցին և բարձր գնահատեց ուսուցչական կազմը իրենց կատարած Աստուածահաճոյ առաքելութեան համար և յայտնեց իր սրտի գոհունակութիւնը և ուրախութիւնը:
