Կը փնտռուի Ռիատ Սալամէն. Կամ Ճետտայի մէջ ցանուած սերմը «կը քննուի» Պէյրութի մէջ

Կը փնտռուի Ռիատ Սալամէն. Կամ Ճետտայի մէջ ցանուած սերմը «կը քննուի» Պէյրութի մէջ

Այսօր բաւականին լարուած օր էր Պէյրութի մէջ։    Երկրի ՆԳՆ-ի   «Պետութեան  ապահովութեան» ջոկատի   միաւորներ  հասած են Համրա շրջանի Կեդրոնական Դրամատուն  եւ   ներս մուտք գործելով փորձած են  հասնիլ ու    նաեւ ձերբակալել   Լիբանանի Կեդրոնական Դրամատան կառավարիչ ՝ Ռիատ Սալամէն։ Իրավիճակը աւելիով է լարուած  երբ Լիբանանի նախագահ՝ Զօր. Միշէլ Աունի վստահելիներէն համարուող  դատախազ Ղատա Աուն հասած է դէպքի վայր,  Սալամէի դէմ դատական  վաւերաթուղթ մը հրապարկելու եւ զինք կալանելու նպատակով։ Եղած  զարգացումը     ոչ այլ ինչ է,  քան ցոյց տալը, որ ինչքան խարխլած է Լիբանան Պետութիւնը (վերէն  վար)։  Մտահոգիչ է նաեւ, որ այս զարգացումը կը կատարուի նախագահ Աունի  նստաշրջանի աւարտի օրերուն   ու նաեւ նոր կառավարութիւն մը  կազնելու մեծ դժուարութեան լոյսին ներքով։ 

  Չմոռնանք, որ Սալամէ կը համարուի «Ամերիկայի  մարդ»ը  եւ որեւէ  ձեւաչափով ներկայ հաւասարակշռութիւններու   փոփոխութիւնը կրնայ նոր եւ աւելի մեծ  տագնապի մը մատնել երկիրը։

 Լիբանանի մէջ կատարուող դէպքերը  նաեւ  ցուցանիշ են այն մասին, թէ ինչքանով խառն է ամբողջ տարածաշրջանը։

 Ըստ երեւոյթին  Ճետտայի մէջ ցանուած հունտերը,  որոնց  «տեսակ»ը  պիտի  պարզուէր Թեհրանի    մէջ ընթացք առնելիք  եռակողմ մեծ  գագաթաժողովին   պտոյտ մը  ըրին դէպի Պէյրութ, չափելու համար   ամերիկեան  կողմի  ջերմութիւնը։

 Խաղը Լիբանանէն վեր է, իսկ Ռիատ Սալամէի   իր պաշտօնին վրայ մնալը    ապահովուած է     հակա-իրանեան   թեւին կողմէ, որուն համար  այլեւս   գետին կամ  քար  կորսնցնելը կրնայ  մահացու ըլլալ  ոչ միայն այդ կողմին այլ Լիբանանին համար։

Մինչ Լիբանանի դիմադրութիւնը  կը յայտարարէ, որ իրենք  պիտի դիմանան, բայց վերջին խօսքը հիմա  ալ  փողոցին է։

  #ՎաւերականեւԱնկողմնակալ #ԳրելուՄասին (Հին ընկերոջս  ականջը կանչէ)։

(Տեսանիւթը՝ «Ալ նահար»էն)

 

 

Սագօ Արեան

Սագօ Արեան

Ծնած է Պէյրութի Պուրճ Համուտ թաղամասը՝ 1972-ի...