29.09c
Երեվան
ուրբ, հնս 27
ԱՄՆ Քալիֆորնիա նահանգի հայաշատ Կլենտէյլ քաղաքի քաղաքապետ Էլեն Ասատրեանը, օրեր շարունակ մոլեգնող անտառային հրդեհներու լոյսի ներքոյ, յայտարարած է, որ քաղաքը կը վերադառնայ բնականոն հուն եւ պիտի վերականգնուի:
Ան մանրամասնած է, որ Կլենտէյլի մէջ արտակարգ իրավիճակի մակարդակը 2-րդէն իջած է 3-րդի:
«Ձեր դիմացկունութեան եւ մեր խումբերու նուիրուածութեան շնորհիւ մենք այժմ կը գտնուինք արտակարգ իրավիճակի 3-րդ մակարդակի մէջ... Մեր բնակիչներու, ձեռնարութեան սեփականատէրերու եւ քաղաքապետարանի անձնակազմի ուժը, միասնութիւնը եւ աջակցութիւնն անհաւանական եղած է: Եկէք շարունակենք վերակառուցել, աջակցիլ զիրար եւ ամրապնդել այն կապերը, որոնք Կլենտէյլը կը դարձնեն այդքան առանձնայատուկ: Մենք արտասովոր մարդոց համայնք ենք, եւ միասին կրնանք յաղթահարել ամէն ինչ», -ըսած է քաղաքապետը:
Նշենք, որ Քալիֆորնիոյ հարաւը անտառային հրդեհներու հետեւանքով զոհուած է 24 մարդ:
