Կարիքաւորներու իսկական բժիշկ. Մահացած է Տօքթ. Զօհրապ Օհանը

Կարիքաւորներու իսկական  բժիշկ. Մահացած է Տօքթ. Զօհրապ Օհանը

Տխուր լուր ստացանք հեռաւոր Վենեզուելայէն. Մահացած է հալէպահայ շրջանակներուն ծանօթ անուն հանդիսացող տօքթ. Զօհրապ Օհանը։ 

 

անգուցեալը ծնած էր Եագուպէի եւ իր գիտակցական կեանքի կարեւոր մասը անցուցած էր Հալէպի մէջ։ 

 

 Գործելով որպէս վիրաբոյժ կը հանդիսանայ հալէպահայ շրջանակներուն կողմէ սիրուած անձնաւորութիւն եւ շնորհիւ իր նուիրական ոգիին ճանչցուած է որպէս բժիշկը կարիքաւոր եւ չքաւոր դասակարգերուն։

 

Բժշկական գործունէութիւնէն բացի, ան նաեւ որպէսմասնագէտ վիրաբոյժ եղած է որպէս դասախօս Հալէպի բժշկական համալսարանէն ներս։

 Հանդարտաբարոյ, պարկեշտ եւ խոհութեամբ վարուող տօքթ. Օհանին համար դժուարին կ՚ըլլան Սուրիան ծանր փուլի մը տարած պատերազմական օրերը ու այդ բարդութիւնները կրելէ ետք ի վերջոյ ան կ՚որոշէ միանալ իր հարազատներուն եւ հաստատուիլ Վենեզուելայի մէջ, ուր եւ կը կնքէ իր մահկանացուն։

Յիշեցնենք, որ հանգուցեալի թաղման կարգը կատարուեցաւ ուրբաթ 20 յունուար առաւօտեան ժամը 11:00-ին տեղի Հայց. Առաքելական Ս. Գրիգոր Լուսաւորիչ եկեղեցւոյ մէջ։