0.09c
Երեվան
հնգ, դկտ 26
Ռուսական «Կավկազ» նաւահանգիստի հրթիռային գրոհի հետեւանքով խորտակուած լաստանաւուն վրայ հայկական ծագման կամ Հայաստանի համար նախատեսուած բեռեր չեն եղած: Այս մասին յայտնած է «Արմէնփրես»՝ ՀՀ Տնտեսական նախարարութեան յղումով:
Գերատեսչութենէն նշած են նաեւ, որ ռուսական լաստանաւուն կործանումը որեւէ կերպ չ'անդրադառնար Հայաստանի տնտեսութեան վրայ:
Յիշեցնենք, որ ռուսական լրատուամիջոցներու հաղորդմամբ՝ 22 օգոստոսի ցերեկը ուքրանական զինուժը Storm Shadow թեւաւոր հրթիռով հարուածած է Ռուսիոյ Քրասնոտարի երկրամասը գործող «Կավկազ» նաւահանգիստը, ուր այնտեղ գտնուող «Աքուաթրեյտըր» լաստանաւը բռնկած է ու կարճ ժամանակ անց խորտակուած: Այն կը տեղափոխէր 30 տակառ վառելիք: Բռնկուած հրդեհին մէջ յայտնուած է մօտ 500 քառակուսի մեթր տարածք: Նաւահանգիստը կրած է զգալի վնաս:
Ռուսիոյ Արտակարգ իրավիճակներու նախարարութիւնը յայտնած է լաստանաւու անձնակազմի 17 անդամներու փրկուելու մասին: Վերջին տեղեկութիւններով՝ 1 մարդու գտնուելու վայրը դեռ անյայտ է:
