31.09c
Երեվան
շբթ, հլս 19
Ավարտվել են «Առաջին ալիք Ամերիկա» ընկերության գրանցման, հաշվառման և լիարժեք գործունեության մեկնարկի նախապատրաստական աշխատանքները, եւ «Առաջին ալիք Ամերիկա»-ն անցնում է լիարժեք գործունեության, տեղեկանում ենք նույնանուն ալիքից։ Ընկերությունը, որը հիմնադրվել է 2024 թվականի ապրիլին, այժմ պատրաստ է գործել որպես ինքնուրույն իրավաբանական միավոր՝ ԱՄՆ օրենսդրության պահանջներին համապատասխան։
Այս փուլում դադարեցվել են տնօրենների խորհրդի ժամանակավոր անդամների և տնօրենի լիազորությունները, որոնք կամավոր հիմունքներով իրականացրել են հիմնադիր փուլի իրավական և կազմակերպչական գործընթացները։
Ձևավորված նոր խորհրդում ընդգրկվել են հետևյալ անդամները՝
• Գարի Թիթիզյան - «Հորիզոն» հեռուստաընկերության հիմնադիր, “Levon travel” ընկերության հիմնադիր, Կալիֆորնիայի հայկական կյանքի ակտիվ անդամ
• Կարեն Իսրաելյան - Լոս Անջելեսում Հայաստանի Հանրապետության գլխավոր հյուպատոս
• Կարեն Մեյմարյան - “Fat and happy beverages” ընկերության հիմնադիր տնօրեն
• Թոմաս Ալեքսանյան - Իրանահայ միության խնամակալ մարմնի անդամ և գլխավոր տնօրեն
• Մելինե Մայիլյան - Ճշմարտության և արդարադատության կենտրոնի համահիմնադիր, փաստաբան
• Արաքսի Սիմիդյան - QueensCare-ի Նորարարությունների և Վարչական գծով գլխավոր պատասխանատու
«Առաջին ալիք Ամերիկա» ընկերության տնօրեն է նշանակվել հեռուստատեսային ոլորտում բազմամյա փորձ ունեցող պրոդյուսեր Արա Բաղդասարյանը։
Այս կարևոր փուլով «Առաջին ալիք Ամերիկա»-ն անցում է կատարում կայուն և լիարժեք գործունեության՝ նպատակ ունենալով ամրապնդել հայկական հանրային հեռարձակման ներկայությունը Ամերիկայի Միացյալ Նահանգներում։
