8.09c
Երեվան
ուրբ, մյս 08
ՀՀ Վայոց Ձորի մարզպետ Արարատ Գրիգորեանը կը հերքէ լուրերն այն մասին, թէ ատրպէյճանցիները Հայաստանի Հանրապետութեան ինքնիշխան տարածքի Ջերմուկի հատուածին մէջ, փապուղի կամ ճանապարհ կը կառուցեն։
«Մենք նման տեղեկութիւն չունենք։ Թունելի (փապուղի) կամ ճանապարհի կառուցման մասին լուրերն անտրամաբանական եմ համարում»,– լրագրողներու հետ ճեպազրոյցին ըսաւ ան։
Գրիգորեանը յորդորեց լրագրողները այդ հարցերն ուղղել անոնց, որոնք նման լուրեր կը տարածեն, քանի որ իրենք տեղեակ չեն։
Ինչ կը վերաբերի ամրաշինական աշխատանքներուն, ըստ մարզպետին, ատոնք հնարաւոր են։
Յիշեցնենք, որ «Թաթոյեան» հիմնադրամի ղեկավար, ՀՀ մարդկային իրաւանց նախկին պաշտպան Արման Թաթոյեանն աւելի վաղ յայտնած էր, որ Ջերմուկ քաղաքի անմիջական հարեւանութեամբ` ՀՀ բռնագրաւուած տարածքին, Ատրպէյճանն անօրինական շինարարութեան եւ ամրացման աշխատանքներ կ'իրականացնէ: Այդ աշխատանքները, ըստ անոր, սկսած են 2022-ի 13-14 սեպտեմբերին, ՀՀ ինքնիշխան տարածքի նկատմամբ ատրպէյճանական յարձակումներէն յետոյ։
