2.09c
Երեվան
շբթ, նմբ 01
Իսրայելը Միացեալ Նահանգներուն տեղեկացուցած է, որ չուզեր թրքական զօրքեր տեսնել Կազայի մէջ, ըսած է Իսրայէլի արտաքին գործոց նախարար Կիտէոն Սաարը հունգարացի գործընկեր Փեթեր Սիյարթոյի հետ մամուլի ասուլիսի ժամանակ:
«Զինուորական ուժեր ուղարկել ցանկացող երկիրները պէտք է արդար ըլլան Իսրայէլի նկատմամբ։ Անոնք պէտք չէ թշնամանք ցուցաբերեն մեր երկրի նկատմամբ։ Էրտողանի ղեկավարութեամբ Թուրքիան թշնամական դիրքորոշում կ՚ընդունի ոչ միայն հռետորաբանութեամբ, այլեւ դիւանագիտական եւ տնտեսական գործողութիւններով։ Հետեւաբար, անոնց զօրքերուն Կազա մուտք գործել թոյլ տալը անխոհեմ է, եւ մենք այդ մասին յայտնած ենք մեր ամերիկացի ընկերներուն», -ըսած է Իսրայէլի արտաքին գործոց նախարարը։
Նշենք, որ Հունգարիա կատարած այցի ընթացքին Իսրայէլի արտաքին գործոց նախարար Կիտէոն Սաար Պուտափեշթի «Փուշքաշ Արենա» մարզադաշտին մէջ հանդիպած է Հունգարիոյ արտաքին գործոց նախարար
Փեթեր Սիյարթոյի հետ։
Սաարը եւ Սիյարթոն անձնական հանդիպում ունեցած են, որուն յաջորդած է անոնց պատուիրակութիւններու ընդլայնուած աշխատանքային հանդիպումը, որուն յաջորդած է համատեղ մամուլի ասուլիսը։
