21.09c
Երեվան
կրկ, հնս 01
Եմէնի «Անսար Ալլահ» շարժման հուսի ապստամբներու յարձակումներն Իսրայէլի տարածքի վրայ ծանր հետեւանքներ պիտի ունենան անոնց եւ Իրանի համար: Այս նախազգուշացումն ըրած է Իսրայէլի պաշտպանութեան նախարար Իսրայէլ Քացը։
«Եթէ հուսիները շարունակեն հարուածել մեզ, ապա Իսրայէլը անոնց լուրջ հարուածներ պիտի հասցնէ։ Իսրայէլի պաշտպանութեան բանակը պատրաստ է ամէն առաքելութեան: Ես նաեւ կը զգուշացնեմ Իրանի ղեկավարութիւնը, որ կը ֆինանսաւորէ, կը զինէ եւ կը վերահսկէ հուսիներու ահաբեկչական կազմակերպութիւնը. փոխանորդութեան կառավարման համակարգն աւարտած է, եւ «չարիքի առանցքը» փլուզած է, դուք (Իրանի ղեկավարութիւնը-Խմբ.) անմիջական պատասխանատւութիւն կը կրէք (հուսիներու յարձակումներու համար-Խմբ.)։ Այն, ինչ մենք Պէյրութի մէջ ըրինք «Հըզպալլա»-ի, Կազայի մէջ՝ «Համաս»-ի, Դամասկոսի մէջ՝ (Սուրիոյ նախկին նախագահ Պաշշար) Ասատի եւ Եմէնի մէջ հուսիներու հետ, նույնը կ՚ընենք ձեզի հետ Թեհրանի մէջ»,- գրած է Քացը X-ի էջին:
«Մենք ոչ մէկուն թոյլ կու տանք վնաս հասցնել Իսրայէլին, իսկ ով մեզի վնասէ, մեծ կորուստներ կ՚ունենայ»,- շարունակած է Իսրայէլի պաշտպանութեան նախարարութեան ղեկավարը։
Ան աւելցուցած է, որ հրէական պետութիւնը «կրնայ ինքնուրոյն պաշտպանուիլ որեւէ սպառնալիքէ եւ որեւէ թշնամիէ»։
«Այդ ճիշդ եղած է անցեալին՝ բազմաթիւ մարտահրաւէրներու լոյսին տակ, եւ այդպէս ալ պիտի մնայ ապագային», - եզրափակած է Քացը:
