20.09c
Երեվան
հնգ, ապր 03
Իրանի արտաքին գործոց նախարար Ապպաս Արաքչին X-ի իր էջին միջոցաւ վերահաստատած է միջուկային գործարքի հարցով Իրանի դիրքորոշումը:
«ԱՄՆ նախագահին համար կրնայ հաճելի չըլլալ 2015 թուականի միջուկային գործարքը։ Բայց այն կը պարունակէ Իրանի մէկ կարեւոր պարտաւորութիւն, որ կը մնայ ուժի մէջ, եւ որմէ շահած է նոյնիսկ Միացեալ նահանգները՝ դուրս գալով գործարքէն: Իրանը կը վերահաստատէ, որ ոչ մէկ պարագայի կը ձգտի, կը մշակէ կամ ձեռք կը բերէ միջուկային զէնք»:
Արաքչին յիշեցուցած է, որ Գործողութիւններու համատեղ համապարփակ ծրագրի ստորագրումէն 10 տարի անց եւ նոյնիսկ այն բանէ ետք, երբ 7 տարի անց ԱՄՆ-ը միակողմանիօրէն դուրս եկաւ ծրագրէն, չկայ ապացոյց, որ Իրանը խախտած է պարտաւորութիւնը: Նոյնիսկ ԱՄՆ ազգային հետախուզութեան տնօրէն Թուլսի Կապարտը վերջերս այդ հաստատած է:
«Դիւանագիտական ներգրաւուածութիւնն աշխատած է նախապէս եւ դեռ կրնայ աշխատիլ: Բայց բոլորի համար պէտք է պարզ ըլլայ, որ «ռազմական տարբերակ» հասկացութիւն գոյութիւն չունի, առաւել եւս՝ «ռազմական լուծումը»: Մեր տարածաշրջանին մէջ աղիտալի ձախողումները, որոնք ԱՄՆ նախկին վարչակազմերուն արժած են աւելի քան 7 թրիլիոն տոլար, բաւարար ապացոյց են»,- աւարտած է գրառումը Իրանի արտաքին գործոց նախարարը:
