-6.91c
Երեվան
երք, դկտ 30
Եգիպտոսը 500 միլիոն տոլար պիտի յատկացնէ իսրայէլեան օդուժի հարուածներէն ետք Կազան վերականգնելու համար, յայտնած է նախագահի աշխատակազմը:
ՄԱԿ մարդասիրական գործակալութեան հաղորդմամբ՝ Կազայի մէջ գրեթէ 450 շէնքեր աւերուած են կամ ծանր վնասուած են, որոնց շարքին՝ 6 հիւանդանոցներ եւ բժշկաառողջապահական առաջնային օգնութեան 9 կեդրոններ, կը հաղորդէ Reuters-ը:
Եգիպտական ընկերութիւնները պիտի մասնակցին վերականգնման աշխատանքներուն, ըսուած է Փարիզի մէջ նախագահ Ապտել Ֆաթթահ Սիսիի, Ֆրանսայի նախագահ Էմանուէլ Մաքրոնի եւ Յորդանանի թագաւոր Ապտալլայի հանդիպման աւարտին եղած յայտարարութեան մէջ:
ՀԱՄԱՍ-ի ղեկավար Իսմայիլ Հանիյէն շնորհակալութիւն յայտնած է Սիսիին անոր ներդրման եւ Եգիպտոսի միջնորդական ջանքերու համար, որոնք կ'արտացոլեն երկրի «ազգային նուիրուածութիւնը Պաղեստինի հարցին»:
