11.73c
Երեվան
հնգ, ապր 16
Սագօ Արեան լրագրողի էջ-էն կը կարդանք
#Հրատապ. Քիչ առաջ կարեւոր զարգացումով մը Իսրայէլեան բեռնատար «Հիբէրեոն Ռէյ» նաւը յարձակման ենթարկուած է Իմարաթեան «Ալ Ֆուժայրա» նաւահանգիստին մօտերը։ Կը նշուի, որ նաւը գրոհուած է շատ հաւանաբար ԱԹՍ-է ուղուած հրթիռով մը։ Անշուշտ ԱԹՍ-ի մասին տուեալը նախնական է եւ նոյն առումով կան լուրեր, որ Իրան կը կանգնի այս գրոհի ետին։ Մինչեւ այս պահը Իրանի պաշտօնական մարմիններ լուռ կը մնան եղածին վերաբերեալ։ Ընթերցողներուս յիշեցնեմ, որ վերջին օրերուն մեծ լարում գրանցուած էր #Իրանի եւ #Իսրայէլի միջեւ։ «Արաբական ծով»ուն մէջ գրանցուած նաւային գրոհներէն ետք ըստ Թեհրանի Իսրայէլ ցանցային գրոհ մը կատարած էր Իրանի «Նաթանզ» կորիզային կայանին դէմ։ Ճիշդ է, որ «Նաթանզ» վնասներ կրած էր, սակայն Թեհրան նոյն ատեն յայտարարած էր, որ Ուրանի հարստացման գործընթացները պիտի շարունակուին մեծ թափով, իսկ Մոսկուա ըսած էր, որ առկայ լարումները երբեք ալ պիտի չազդեն Վիենայի մէջ ընթացող ԻՐԱՆ-ԱՄՆ կորիզային բանակցութիւններուն։
