image

Հնարաւոր է որ Փաշինեան կրցաւ հեռանալ. Կառավարութեան մօտ բողոքի գործողութիւնները աւարտեցան

Հնարաւոր է որ Փաշինեան կրցաւ հեռանալ. Կառավարութեան մօտ բողոքի գործողութիւնները աւարտեցան

«Տաւուշը յանուն հայրենիքի» շարժման ցոյցի մասնակիցները երթով հասան Երեւանի Սուրբ Աննա եկեղեցւոյ բակ։ Բագրատ արքեպիսկոպոս Գալստանեանը օրը պիտի ամփոփէ ժամը 19։00-ին։

Անոնք առաւօտէն շրջափակած էին կառավարութեան շէնքը եւ կը յայտարարէին, որ թոյլ պիտի չտան ՀՀ վարչապետ Նիկոլ Փաշինեանին լքել շէնքը։ Մօտաւորապէս ժամը 16:30-ի սահմաններուն շարժման առաջնորդ Բագրատ Գալստանեանին տեղեկացուցին, որ վարչապետը այնուամենայնիւ յաջողած է դուրս գալ կառավարութեան շէնքէն:

«Թող փախչի, տեսնեմ ոնց է փախչելու։ Ոստիկաններին հարցրի` ճողոպրե՞լ է, միամիտ են, ասացին` ոչ։ Ապրէ՛ք, տղերք, որ լաւ պահում էք ու չի ճողոպրել»,–ըսած է սրբազանը։

Աւելի ուշ շարժման էջը տարածեց տեսանիւթ մը, ուր կ՚երեւայ, թէ ինչպէս սեւ մեքենայ մը կը հեռանայ կառավարութեան շէնքի կեդրոնական մուտքի յարակից դարպասներէն։ Նշուած է, որ Փաշինեանը այդ մեքենայով հեռացած է։