image

ՀՀ-ն չուզեր Ռուս սահմանապահներ տեղակայել Սիւնիքի մէջ՝ դէպի Նախիջեւանի ճանապարհին․ Լաւրով

ՀՀ-ն չուզեր Ռուս սահմանապահներ տեղակայել Սիւնիքի մէջ՝ դէպի Նախիջեւանի ճանապարհին․ Լաւրով

Հայաստանը չուզեր ռուս սահմանապահներու տեղակայել Ատրպէյճանէն Նախիջեւան տանող ճանապարհին՝ Սիւնիքի մէջ, մամուլի ասուլիսի ժամանակ ըսած է Ռուսիոյ արտաքին գործոց նախարար Սերկէյ Լաւրովը։

«Կը կարծեմ՝ մենք պէտք չէ ամչնանք այն եռակողմ յայտարարութիւններու գնահատման կարեւորութեան հարցով, որոնք ստորագրուած են 2020-2022 թուականներուն: Շատ ցաւալի է, որ Հայաստանի համար այնպիսի գործնական, շահաւէտ բանը, ինչպիսին Սիւնիքի մարզով երթուղիի բացումն է, մինչ օրս թուղթի վրայ կը մնայ»,-ըսած է Լաւրով:

Անոր խօսքով՝ պատճառը Երեւանի դիրքորոշումն է։ Ռուսիոյ արտաքին գործոց նախարարի կարծիքով՝ Երեւանին այլ կողմեր խորհուրդներ կու տան այդ թեմայով։

«Մենք տեսանք, որ հազիւ Եւրոմիութիւնը, Ֆրանսան, Գերմանիան, Միացեալ Նահանգները հասկցան, որ ռուս-հայ-ատրպէյճանական գործընթացն արդիւնք կու տայ թէ՛ երթուղիներու ապաշրջափակման, թէ՛ սահմանազատման, թէ՛ խաղաղութեան պայմանագրի նախապատրաստման համար, անմիջապէս սկսան առանց հրաւէրի մտնել այդ գործընթացներու մէջ եւ ձախողցնելու դեր խաղցան»,-ըսած է Լաւրով: