0.09c
Երեվան
ուրբ, դկտ 26
Արտակարգ իրավիճակներու նախարարութիւնը կը տեղեկացնէ, որ ՀՀ տարածքին կան փակ եւ դժուարանցանելի ճանապարհներ:
Փակ են Արագածոտնի մարզի «Ամբերդ» բարձր լեռնային օդերեւութաբանական կայանէն դէպի Ամբերդ ամրոց եւ Քարի լիճ տանող ճանապարհները:
Վարդենեաց լեռնանցքը փակ է բոլոր տեսակի փոխադրամիջոցներուն համար:
Վայոց ձորի մարզի Սարաւան-«Զանգերէ» հատուածը փակ է կցորդիչով բեռնատարներու համար:
Դժուարանցանելի են Ջերմուկ քաղաքի ճանապարհները կցորդիչով բեռնատարներու համար, Շիրակի մարզի Արթիկ-Ալագեազ, Ամասիայի, Արթիկի եւ Աշոցքի տարածաշրջաններու ճանապարհները բոլոր տեսակի փոխադրամիջոցներու համար:
Կոտայքի մարզի Աբովեանի տարածաշրջանի ճանապարհներուն, Սիւնիքի մարզի Գորիս-«Զանգեր» եւ Վայոց Ձորի մարզի Սարաւան-«Զանգեր» կոչուող հատուածներուն մէջ տեղ-տեղ առկայ է մերկասառոյց:
Կոտայքի մարզի Ծաղկաձորի, Հրազդանի, Չարենցաւանի եւ Վայոց Ձորի մարզի Ջերմուկի տարածաշրջաններին մէջ ձիւն կը տեղայ:
Շիրակի մարզի Ախուրեանի տարածաշրջանին բուք է:
Ստեփանծմինտա-Լարս ճանապարհը փակ է բոլոր տեսակի փոխադրամիջոցներու համար: Ռուսական կողմը կայ մօտ 267 բեռնատար:
Վարորդներուն խորհուրդ կը տրուի երթեւեկել բացառապէս ձմեռնային անուադողերով:
