11.09c
Երեվան
երք, ապր 28
«Հնարաւորութեան պարագային կ'երթայի՞ք արտերկիր` ժամանակաւորապէս այնտեղ աշխատելու» հարցին բացասական պատասխան տուած է հարցուողներու 57 տոկոսը, 5 տոկոսը պատասխանած է՝ աւելի շատ բացասաբար, 8 տոկոսը տուած է՝ աւելի շատ դրական եւ 28 տոկոսը՝ դրական պատասխան։ Հարցին դժուարացած է կամ հրաժարած է պատասխանել հարցուածներու 2 տոկոսը:
Հետազօտութեան տուեալները հաւաքուած են 8 ապրիլի 2021-էն 4 մայիսի միջակայքը: Հարցման ընտրանքը կազմած է 1502 մարդ:
Հայաստանի 5 մարզերու՝ Արարատի, Գեղարքունիքի, Շիրակի, Սիւնիքի եւ Տաւուշի մէջ կատարուած են 299 լրացուցիչ հարցազրոյցներ՝ մարզային առանձնայատկութիւնները ներկայացնելու համար: Հարցումը տրուած է հեռախօսային զանգերու միջոցով՝ պատահական ընտրանքով: Հետազօտութիւն իրականացնողները նշած են, որ վիճակագրական սխալի չափը չի գերազանցեր 2,5 տոկոսը:
