1.09c
Երեվան
կրկ, մրտ 01
Հայաստանի եւ Ատրպէյճանի սահմանազատման եւ սահմանային անվտանգութեան հարցերով յանձնաժողովներու առաջին հանդիպումը անցած է լաւ եւ կառուցողական մթնոլորտի մէջ: Այս մասին ըսաւ Տարածքային կառավարման եւ ենթակառուցուածքներու նախարար Գնէլ Սանոսեանը, որուն տեղակալը ընդգրկուած է այդ յանձնաժողովին մէջ:
«Կառուցողական, բնական, մասնագիտական քննարկում է եղել: Առաջին հանդիպման համար բաւականին կարեւոր հարցեր բարձրացուել են, աշխատանքի որոշակի օրակարգ է սահմանուել եւ այլն», ըսաւ Սանոսեանը:
Հարցին, թէ ինչպէ՞ս անցած է յանձնաժողովներու առաջին հանդիպումը կառուցողական մթնոլորտի մէջ, եթէ անկէ յետոյ հայ-ատրպէյճանական սահմանին լարուած իրավիճակ ստեղծուած էր, որուն հետեւանքով հակառակորդի կրակոցէն զոհուած էր շարքային զինուոր Դաւիթ Վարդանեանը, Սանոսեանը պատասխանեց․
«Այո՛, սահմանին միջադէպերը խանգարում են նման գործընթացներին եւ շատ դատապարտելի է, երբ նորմալ աշխատանքային փուլին կարող է յաջորդել նման վարքագիծ, որի հետեւանքով զինծառայողները կարող են զոհուել», ըսաւ Սանոսեանը:
