14.24c
Երեվան
շբթ, ապր 11
Սրբազան Հայրը եւ ներկայ ազգայինները շնորհակալութիւն յայտնեցին մեծարգոյ նախարարին՝ ՀՄԸՄ ակումբը իր իսկական անունով վերանուանուելուն առիթով։ Մեթր Նորա պարզեց, թէ ՀՄԸՄ-ի մարզական կեանքի բոլոր նախաձեռնութիւնները Առաջնորդ Սրբազան Հօր հովանաւորութիւնը կը վայելեն։
Հանդիպումը ընթացաւ փոխգործակցութեան շինիչ եւ ջերմ մթնոլորտի մէջ։
Հինգշաբթի, 2 Ապրիլ 2026-ի յետմիջօրէին, Բերիոյ Հայոց Թեմի Բարեջան Առաջնորդ Գերշ. Տէր Մակար Սրբ. Արք. Աշգարեան, Ազգ. Առաջնորդարանէն ներս հիւրընկալեց Սուրիոյ մարզանքի եւ երիտասարդութեան նախարար Մեծարգոյ Մուհամմետ Սամեհ ալ-Համետ եւ իրեն ընկերակցող պատուիրակութիւնը։ Ներկայ էին նաեւ Ազգ. Վարչութեան եւ ՀՄԸՄ-ի վարչութեան անդամ մեթր Նորա Գրաճեան, Ազգ. Վարչութեան անդամ Յարութ Չամիչեան եւ ՀՄԸՄ-ի վարչութեան ատենապետ բժշկ. Արամ Աւետիսեան։
Հանդիպումին արծարծուեցաւ Սուրիոյ մարզական կեանքի աշխուժացման աշխատանքներուն եւ մարզական գետնի վրայ ՀՄԸՄ-ի խումբերու բարգաւաճումին։ Մեծարգոյ նախարարը նշեց, թէ ՀՄԸՄ-ը Սուրիոյ մարզական ակումբներուն մէջ պատմական հարուստ անցեալ ունեցող լաւագոյն ակումբներէն մէկն է։ Ան համագործակցութեան ոգիով պատրաստակամութիւն յայտնեց օգնութեան ձեռք երկարելու՝ ի խնդիր մարզական կեանքի վերելքին։
Սրբազան Հայրը եւ ներկայ ազգայինները շնորհակալութիւն յայտնեցին մեծարգոյ նախարարին՝ ՀՄԸՄ ակումբը իր իսկական անունով վերանուանուելուն առիթով։ Մեթր Նորա պարզեց, թէ ՀՄԸՄ-ի մարզական կեանքի բոլոր նախաձեռնութիւնները Առաջնորդ Սրբազան Հօր հովանաւորութիւնը կը վայելեն։
Հանդիպումը ընթացաւ փոխգործակցութեան շինիչ եւ ջերմ մթնոլորտի մէջ։
