17.09c
Երեվան
չրք, հնս 18
Թուրքիա- («Ալ Հայաթ»- Լոնտոն) Թուրքիոյ նախագահ Ռէճէպ Թայէպ Էրտողանի հիմնական մտահոգութիւնն է երկրին նոր կառավարութիւն մը կազմել նախքան G20-ի Պոլսոյ մէջ կայացուելիք նիստի թուականը: Այս մասին տեղեկութիւնը փոխանցուած է «Ալ Հայաթ»ին կողմէ, որ նաեւ կը յիշեցնէ, որ G20-ի Պոլսոյ գագաթաժողովը պիտի կայացուի 25 Նոյեմբերին : Երէկ Թուրքիոյ ընտրութեանց ընդհանուր խորհուրդը շատ հաւանական նկատած էր, որ յառաջիկայ 25 Հոկտեմբերին կամ առաւելագոյնը 1 Նոյեմբերին երկրին մէջ երեսփոխանական արտակարգ ընտրութիւններ պիտի կայացուին: Աղբիւրը նաեւ կը գրէ, որ իշխող ԱԶԿ. -ին համար ( AKP) այսօրուան դրութեամբ հիմնական մտահոգութիւն է լուծել անվտանգութեան խնդիրը եւ այդ առումով ազգային անվտանգութեան խորհուրդը յառաջիկայ 2 Սեպտեմբերին արտակարգ նիստ մը պիտի կայացնէ: Թերթը նաեւ կը նշէ, որ «Տոլմապահչէ» պալատին մօտ գրանցուած զինեալ յարձակումէն ետք Թուրքիոյ անվտանգութեան մարմիններ ձերբակալած են 40մեղադրեալներ , որոնք կը կարծուի թէ անդամ են յարձակումին պատասխանատուութիւնը ստանձնած «Ազգային ազատագրութեան ճակատ» ձախակողմեան կուսակցութեան:
