17.77c
Երեվան
չրք, հնս 24
«Իրաւունքի կողմ» իրաւապաշտպան ՀԿ-ն Երեւանի մէջ նոր գրասենեակ բացած է «ԼԿՊԹ» համայնքի համար։ Տեղեկութիւնը յայտնած է Հայաստանի մէջ Շուէտի դեսպանատունը։
Ըստ հաղորդագրութեան` գրասենեակն ապահով տարածք պիտի ըլլայ նշուած համայնքի ներկայացուցիչներու համար։
«Այժմ «ԼԿՊԹ» համայնքը, անոնց ընտանիքի անդամները եւ համայնքի աջակիցները հնարաւորութիւն ունին ստանալու իրաւաբանական եւ հոգեբանական խորհրդատւութիւն եւ աջակցութիւն»,- նշած է դեսպանութիւնը։
Գրասենեակի բացման արարողութեան ներկայ եղած է նաեւ Հայաստանի մէջ Շուէտի դեսպան Փաթրիք Սվենսըն, ինչպէս նաեւ Հայաստանի մարդու իրաւունքներու պաշտպան Քրիսթինէ Գրիգորեանը` ի նշան նախաձեռնութեան աջակցութեան։
Միջոցառման ներկայ եղած է նաեւ թրանսկենտըր (սեռափոխուած) Լիլիթ Մարտիրոսեանը, որ 2019-ի 5 ապրիլին ելոյթ ունեցաւ ԱԺ-ի մէջ, որ մեծ աղմուկ բարձրացուց։ Մարտիրոսեանը «Իրաւունքի կողմ» ՀԿ-ի ներկայացուցիչ է։
