22.09c
Երեվան
կրկ, մյս 10
11 Յունուարին, ողբերգական դէպք տեղի ունեցած է Երեւանի մէջ։ Ժամը 19։20-ի սահմաններուն «Սուրբ Գրիգոր Լուսաւորիչ» հիւանդանոցէն ոստիկանութեան Նոր Նորքի բաժին ահազանգ ստացուած է, որ իրենց մօտ ժամը 19։10-ի սահմաններուն յանկարծամահ եղած է երեխայ։ Այս մասին յայտնած է SHAMSHYAN.com-ը:
Հիւանդանոցի բժիշկները ոստիկաններուն եւ քննիչներուն յայտնած են, որ երեխան իրենց մօտ ընդունուած է «սրտի կանգ» ախտորոշմամբ։
Ոստիկաններն ու քննիչները պարզած են, որ մահացածը Երեւանի բնակիչ՝ 2-ամեայ Եւա Պ-ն է։
Դէպքի փաստով Աւան եւ Նոր Նորք վարչական շրջաններու քննչական բաժնէն ներս նախաձեռնուած է քրէական վարոյթ։ Քննիչի որոշմամբ նշանակուած է դիակի դատաբժշկական փորձաքննութիւն։
