Դեղորայքի պակաս եւ անտէրութիւն... 9 ամսական Ժուրի Սայէտի ողբերգական մահը

   Դեղորայքի պակաս եւ անտէրութիւն... 9 ամսական Ժուրի Սայէտի ողբերգական մահը

 9-Ամսեայ երեխայի մը մահը ցնցած է Լիբանանը։

 

 Այս մասին «Արեւելք» տեղեկութիւն քաղեց լիբանանեան լրասփիւռներէ։

 

 Մանրամասնութիւններուն մէջ 9 ամսական Ժուրի Սայէտ ջերմութիւն ունեցած է եւ շտապ օգնութեան մեքենանաներու բացակայութեան հետեւանքով (պատճառը վառելանիւթի պակասն է, որ համատարած դարձած է Լիբանանի մէջ), անոր հիւանդանոց փոխադրութիւնը կը յապաղի, որմէ ետք ալ վիճակը կը վատթարանայ ու մահացած կը հասնի հիւանդանոց։

 

 Կարգ մը բժշկական աղբիւրներ գրած են, որ Ժուրի նախքան մահանալը հասած է հիւանդանոց, սակայն անոր ծնողները ուզած են երեխան փոխադրել աւելի լաւ պայմաններով գործող հիւանդանոց մը (Հաշուի առնելով, որ իրենց տարած հիւանդանոցին մէջ մանուկներու խնամք ապահովող ենթաբաժինը չի գործէր)։ Այլ հիւանդանոց փոխադրելու ճիգերը ձախողած են , որուն հետեւանքով ալ երեխան մահացած է։

 

 Ժուրիի մահը, որ մեծ ցնցում յառաջացուցած է Լիբանանի հասարակութեան լայն խաւերուն մօտ, նորութիւն մը չէ, երկրի մը մէջ, ուր ընկերային պայմանները օրըստօրէ աւելիով կը վատթարանան։