image

Ատրպէյճանը բռնագրաւած է Հայաստանի 200 քառ/քմ տարածք. Ռուբինեանը ելոյթ ունեցած է Պիշքէքի մէջ

Ատրպէյճանը բռնագրաւած է Հայաստանի 200 քառ/քմ տարածք. Ռուբինեանը ելոյթ ունեցած է Պիշքէքի մէջ

Ատրպէյճանը ներկայիս բռնագրաւած է Հայաստանի շուրջ 200 քառ/քմ տարածք։ Այս մասին «Sputnik  Արմենիա»ի հաղորդմամբ, Անկախ պետութիւններու համագործակցութեան (ԱՊՀ) Միջխորհրդարանական վեհաժողովի 56-րդ լիագումար նիստին յայտարարած է ՀՀ Ազգային Ժողովի փոխխօսնակ Ռուբէն Ռուբինեանը։

«Հայաստանի տարածքային ամբողջականութեան դէմ լայնածաւալ ռազմական գործողութիւնների, ինչպէս նաեւ Ադրբեջանի կողմից վերջին երեք տարիների ընթացքում իրականացուած սողացող ռազմական օկուպացիայի մարտավարութեան արդիւնքում օկուպացուել է Հայաստանի Հանրապետութեան շուրջ 200 կմ ինքնիշխան տարածք»,-ըսած է Ռուբինեանը։

Անոր խոսքով, Հայաստանը կը շարունակէ աշխատիլ Ատրպէյճանի հետ խաղաղութեան համաձայնագրի եւ յարաբերութիւններու հաստատման ուղղութեամբ, սակայն կը պնդէ, որ այդ համաձայնագրին մէջ ճանչցուին երկրի տարածքային ամբողջականութիւնն ու ինքնիշխանութիւնը, ինչպէս նաեւ Երեւանի իրաւասութեան սկզբունքները՝ տարածաշրջանին մէջ հաղորդակցութիւններու ապաշրջափակման պարագային:

Հայաստանի դիրքորոշումը նոյնը կը մնայ․ խաղաղ յարաբերութիւններու հաստատում՝ հիմնուած երեք համաձայնեցուած սկզբունքներու վրայ։

Առաջին սկզբունքը կ՚ըսէ, որ Հայաստանն ու Ատրպէյճանը իրար տարածքային ամբողջականութիւնը կը ճանչնան համապատասխանաբար 29,8 հազար եւ 86,6 հազար քառ/քիլոմեթր սահմաններով։