4.09c
Երեվան
ուրբ, նմբ 22
Ամերիկայի Միացեալ Նահանգներ առաջիկա օրերուն ռազմավարական ռմբակոծիչներ պիտի տեղակայէ Եւրոպայի մէջ՝ ՆԱԹՕ-ի գործընկերներու հետ համատեղ գործողութիւններ իրականացնելու համար։ Այդ մասին յայտնած են Միացեալ Նահանգներու ռազմաօդային ուժերու եւրոպական հրամանատարութենէն։
«Կ'ակնկալուի, որ ռմբակոծիչներու աշխատանքային խումբի տեղակայումը Եւրոպայի մէջ սկսի մօտ օրերս»,- ըսուած է հրամանատարութեան հաղորդագրութեան մէջ։
Ռազմաօդային ուժերու ռմբակոծիչները Միացեալ Նահանգներէն պիտի փոխադրուին եւրոպական հրամանատարութեան պատասխանատուութեան տակ։
Քանի մը շաբաթ շարունակ ամերիկեան ռմբակոծիչներու անձնակազմերը պիտի մարզուին եւ գործողութիւններ կատարեն դաշնակիցներու եւ ՆԱԹՕ-ի գործընկերներուն հետ։
