13.09c
Երեվան
կրկ, ապր 27
Սեպտեմբերի 16-ին Մայր Աթոռ Սուրբ Էջմիածնում Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսը հանդիպում ունեցաւ Արցախի Հանրապետութեան նախագահ Արայիկ Յարութիւնեանի եւ ԱՀ Ազգային ժողովի պատուիրակութեան հետ:
Քննարկուել են ստեղծուած իրավիճակում Հայաստանի եւ Արցախի առջեւ ծառացած մարտահրաւէրները, վերջին օրերի Ադրբեջանի ոտնձգութիւնները եւ առկայ գոյաբանական սպառնալիքները: Հանդիպմանն ընդգծուել է անհրաժեշտութիւնը ազգային ողջ ներուժի համախմբման եւ համահայկական միասնական ջանքերի գործադրման ի նպաստ ստեղծուած դժուարին իրավիճակի հանգուցալուծման եւ կայուն խաղաղութեան վերահաստատման:
Հանրապետութեան նախագահը եւ Արցախի խորհրդարանականները կարեւոր են նկատել պետութիւն-եկեղեցի գործակցութիւնը, մասնաւորապէս այս օրերին Հայ Առաքելական եկեղեցու առաքելութիւնը ազգային միասնականութեան ամրապնդման գործում:
Հանդիպման ընթացքում անդրադարձ է եղել Արցախի թեմի գործունէութեանը եւ հոգեւոր կեանքի զօրացմանն ուղղուած ծրագրերին եւ այդ համատեքստում պետութեան անելիքներին:
