Արեվելք - Արևելք լրատուական

347
22/06/2023

Ամեն. Տ. Ռաֆայէլ ԻԱ Կաթողիկոս-Պատրիարքի «Քահանայական Ձեռնադրութեան» 50-ամեակը պիտի նշուի (Լուսանկար)

Օրերս Իտալիոյ մէջ պիտի նշուի Հայ Կաթողիկէ Համայնքի Կաթողիկոս-Պատրիարք Ամեն. Գեր. Ռաֆայէլ Պետրոս ԻԱ Մինասեանի «Քահանայական Ձեռնադրութեան» յիսնամեակը։

Այս մասին «Արեւելք» տեղեկացաւ՝ Հռոմի իր աղբիւրներէն։

Կը նշուի նաեւ, որ տօնական արարողութիւները պիտի կայացուին Իտալիոյ Նափոլի քաղաքին մէջ։

Ստորեւ տեղի ունենալիք արարողութեանց ժամանակագրութիւնը

- Ուրբաթ` 23 Յունիս 2023, Ժամը 18։00. Դասախօսութիւն Հայոց Կաթողիկոս Սուրբ Ներսէս Շնորհալի-ի (1102-1173)մասին, որու պիտի յաջորդեն Շարականներու երգեցողութիւն և Աղօթքներու կատարողութիւն` Սուրբ Ներսէս Շնորհալի-էն շարադրուած.

- Շաբաթ` 24 Յունիս 2023, ժամը 09։30. Ժամերգութիւն Հայկական Ծէսով.

- Շաբաթ` 24 Յունիս 2023, ժամը 11։00. Նորին Ամենապ. Գեր. Ռաֆայէլ-Պետրոս ԻԱ Մինասեան Կիլիկիոյ Կաթողիկէ Հայոց Կաթողիկոս-Պատրիարքին Վկայութիւնը նկատմամբ Քրիստոնեաներու վիճակին եւ մարտահրաւէրներուն որ կը դիմագրաւեն անոնք ներկայիս Միջին Արեւելքի եւ Կովկասի մէջ.

- Շաբաթ` 24 Յունիս 2023, ժամը 16։30. Ողջոյն և եղբայրական պատգամ Նափոլի-ի Արքեպիսկոպոս` Նորին Ամենապ. Տոմենիգոյ Պաթթալիա-ի ուղղուած Հայոց Կաթողիկոս-Պատրիարք Նորին Ամեն. Գեր. Ռափայէլ-Պետրոս ԻԱ Մինասեանին.

- Շաբաթ` 24 Յունիս 2023, ժամը 17։00. Սուրբ Պատարագ Հայկական Ծէսով որ կը մատուցէ Նորին Ամենապ. Գեր. Ռափայէլ-Պետրոս ԻԱ Մինասեան` Կաթողիկոս-Պատրիարք Կիլիկիոյ Կաթողիկէ Հայոց, մասնակցութեամբ Գերպ. Կայեթանոյ Գասթելլիի, Նափոլիի Արքեպիսկոպոսական Թեմի Օգնական Եպիսկոպոսին, որու կը յաջորդէ «Եղբայրական ընթրիք»։

- Կիրակի` 25 Յունիս 2023, ժամը 09։30. Սուրբ Պատարագ Հայկական ծէսով։