1.09c
Երեվան
շբթ, փտր 28
«Հայաստանը կասկածի տակ կը դնէ Ատրպէյճանի տարածքային ամբողջականութիւնը, ինչ որ կը ստիպէ Ատրպէյճանին նման քայլերու ձեռնարկելու անոր տարածքին հետ կապուած», ըսած է Ալիեւ:
Ատրպէյճանի նախագահ Իլհամ Ալիեւ, օգտագործելով կեղծ փաստարկներ, տարածքային պահանջներ ներկայացւոցած է Հայաստանին:
«Հայաստանը կասկածի տակ կը դնէ Ատրպէյճանի տարածքային ամբողջականութիւնը, ինչ որ կը ստիպէ Ատրպէյճանին նման քայլերու ձեռնարկելու անոր տարածքին հետ կապուած», ըսած է Ալիեւ:
«Եթէ Հայաստանը շարունակէ կասկածի տակ դնել մեր տարածքային ամբողջականութիւնը, ապա Ատրպէյճանը այլ ելք չ'ունենար, քան կասկածի տակ դնել Հայաստանի տարածքային ամբողջականութիւնը», ըսած է Ատրպէյճանի նախագահը: Անոր խօսքով` «...անցեալ հարիւրամեակի պատմութիւնը ցոյց կու տայ, որ 1920 թուականի Նոյեմբերին, Ատրպէյճանի խորհրդայնացումէն վեց ամիս անց, խորհրդային իշխանութիւնը վերցուցած է մեր երկրին պատմական մասը` Զանգեզուրը եւ միացուցած է Հայաստանին: Հետեւաբար, եթէ Հայաստանը Ղարաբաղի հայերուն համար կարգավիճակ պահանջէ, ինչո՞ւ պէտք է ատրպէյճանցիները Արեւմտեան Զանգեզուրի մէջ ատրպէյճանցիներուն համար կարգավիճակ չպահանջեն: Ի վերջոյ, այդ տարածքը ամբողջութեամբ ատրպէյճանցիներով բնակեցուած եղած է»:
«Կը կարծեմ, որ Հայաստանի կառավարութիւնը պէտք չէ մոռնայ Ղարաբաղեան երկրորդ պատերազմին դասերը, պէտք է լաւ իւրացնէ այդ դասերը եւ հրաժարի Ատրպէյճանի նկատմամբ տարածքային որեւէ պահանջէն», ըսած է ան: Ալիեւի խօսքով, Կովկասի տեսլականը համագործակցութիւնն է, համարկումն ու խաղաղութիւնը տարածաշրջանին մէջ: «Ատրպէյճանը արդէն ըրած է իր առաջարկները, որպէսզի առաջին քայլը ընէ, մենք քննարկած ենք այդ հարցը վրացական կողմին հետ: Վրաստանի կառավարութիւնը կ'աջակցի երկխօսութիւն սկսելու նպատակով Վրաստանի մէջ Ատրպէյճանի, Վրաստանի եւ Հայաստանի արտաքին գործոց նախարարներու եռակողմ հանդիպում կայացնելու գաղափարին: Ցաւօք, հայկական կողմը կը հրաժարի: Եւ ես չեմ գիտեր, թէ ինչն է պատճառը, անոր համար ծանրակշիռ բացատրութիւն չեմ գտեր: Որքան գիտեմ, առաջարկ եղած է նաեւ եւրոպական կառոյցներէն մէկէն, եւ կրկին մերժում ստացուած է: Եթէ Հայաստանը խաղաղութիւն չ'ուզեր, ապա ի՞նչ կ'ուզէ: Եթէ նոր պատերազմ, այդ աղէտալի հետեւանքներ պիտի ունենայ անոնց համար», ըսած է Ալիեւ:
