3.09c
Երեվան
երք, փտր 11
27 տարի առաջ այսօր ՝ 7 Դեկտեմբեր 1988-ին Սպիտակի աւերիչ երկրաշարժը ցնցեց ողջ Հայաստանը: Ուժգին ցնցումները կէս վայրկեանի մէջ աւերեցին երկրի գրեթէ ողջ հիւսիսային մասը` ընդգրկելով մօտ 1 միլիոն բնակչութիւն ունեցող տարածք:Երկրաշարժի կեդրոն Սպիտակի մէջ, ցնցումներուն ուժգնութիւնը կազմած է 10 բալ (12-բալանոց սանդղակով): Ծանր ցնցումները զգացուած էին Երեւանի եւ Թիֆլիսի մէջ:Մասնագէտներու հաշուարկներով` երկրաշարժի պահուն երկրակեղեւի պատռուածքի գօտիէն ազատուած է Հիրոշիմայի վրայ նետած աթոմային ռումբի նման 10 աթոմային ռումբի պայթիւնին հաւասարազօր ուժգնութիւն: Երկրաշարժին առաջացուցած ալիքը տարածուեցաւ Հայաստանով մէկ եւ զգալի դարձաւ Եւրոպայի, Ասիոյ, Ամերիկայի եւ Աւստրալիոյ երկրաբանական կեդրոններուն մէջ:Պաշտօնական տեղեկութիւններով` զոհուեցաւ էր աւելի քան 25 հազար մարդ, 19 հազարը դարձաւ հաշմանդամ, անօթեւան մնացին 530 հազար բնակիչ:Երկրաշարժին հետեւանքով հիմնովին աւերուեցաւ Սպիտակ քաղաքը: Սպիտակի եւ մօտակայ գիւղերու հետ մէկտեղ բնութեան տարերքը աւերած էր 21 քաղաք ու աւան, 324 գիւղ, ոչնչացուցած Հայաստանի երկրորդ քաղաք Գիւմրիի բնակելի, հասարակական եւ արդիւնաբերական հատուածի 80 տոկոսը: Մեծ աւերածութիւններ եղած էին նաեւ Վանաձորի մէջ: Երկրաշարժը շարքէ հանած էր երկրի արդիւնաբերական ներուժի մօտ 40 տոկոսը: Աղէտէն ետք Հայաստանին օգնութեան եկած էին Խորհրդային Միութիւնն ու ողջ աշխարհը: Մտատանջողը այն է, որ ծանր աղէտէն 27 տարի անց Գիւմրին ցայսօր ունի բազում հիմնահարցեր եւ անոր մեծ թիւով գրեթէ անապահով բնակիչները կ'ապրին երկաթեայ վակոն- տնակներու մէջ:
