17.09c
Երեվան
չրք, հկտ 07
Ըստ «Անատոլու» լրատուական գործակալութեան Թուրքիոյ վարչապետ Պինալի Եըլտըրմ նախարարներու խորհուրդի ժողովէն ետք շարք մը յայտարարութիւններ ըրած է: Մասնաւորապէս ան խօսած է Պոլսոյ Պողազիչի կամուրջին անուանափոխութեան վերաբերեալ` նշելով, որ յեղաշրջման փորձը իրականացնողներու առաջին թիրախ եւ քաղաքացիներու նահատակման վայր հանդիսացող կամուրջը յետայսու պիտի կրէ «15 Յուլիսի նահատակներու կամուրջ» անուանումը:Եըլտըրըմ խօսած է նաեւ իշխանական համակարգին անխափան գործունեութիւնը ապահովելու յամար անհրաժեշտ սահմանադրական փոքր ծաւալի փոփոխութիւններու մասին` նշելով, որ նախապատրաստական աշխատանքները միասնական ուժերով պէտք է կատարուին: Ան ընդգծած է նաեւ, որ ամբողջապէս նոր սահմանադրութեան մշակումը պէտք է ըլլայ բոլոր կուսակցութիւններու մասնակցութեամբ եւ անցեալին կիսատ թողնուած այս գործընթացը նոյնպէս պէտք է շարունակուի:
Իր յայտարարութեան մէջ վարչապետը անդրադարձ կատարած է նաեւ շարք մը համակարգային փոփոխութիւններու վերաբերեալ : Այդ փոփոխութիւններէն մէկն ալ պիտի ըլլայ թրքական «Ժանտարմա»ի եւ «Ծովափնեայ ուժեր»ու յետ այսու ներքին գործերու նախարարութեան կազմին մէջ անցնիլը:Եըլտըրըմ ընդգծած է, որ յեղաշրջման փորձին մասնակցութիւն ունեցողները «հաշիւ պէտք է տան» իրենց ըրածներու ն համար:
