12.09c
Երեվան
կրկ, հկտ 11
Հազարաւոր իրաքցի թուրքմէններ, Իրաքեան զօրքի եւ զինեալ ահաբեկիչներու միջեւ եղած բուռն հակամարտութիւններէն փախուստ տալով, հիւսիսային Իրաքի Թալաֆար շրջանէն անցած են հիւսիսային Սուրիոյ Ազէզ շրջանը: Այս մասին կը գրէ «Ալ-Քուտս», նշելով, որ անոնք Սուրիա կ'անցնին, որպէս փախստականներ դէպի Թուրքիա մուտք գործելու նպատակով:
Աղբիւրը նաեւ կը նշէ, որ Թալաֆարէն սուրիական Ազէզ շրջան հասած են 10 հազար թուրքմէններ, մինչ այլ հազարաւորներ տակաւին կը գտնուին Ռաքքայի շրջակայքը:
Փախստականներու վկայութեամբ, աղբիւրը կը յայտնէ, որ անոնք արգելափակուած էին Թալաֆարի մէջ եւ շատ մեծ դժուարութեամբ կրցած են դուրս գալ, անոնք 20 օրուան ճանապարհ անցնելէ ետք հասած են Ազէզ: Անոնցմէ ոմանք ալ տակաւին մնացած են ճանապարհին:
