32.83c
Երեվան
չրք, հլս 22
ՀՀ նախագահ Արմէն Սարգսեանի հրամանագրով Գագիկ Ղալաչեանը նշանակուած է Ղազախստանի Հանրապետութեան մէջ Հայաստանի Հանրապետութեան արտակարգ եւ լիազօր դեսպան:
«Հիմք ընդունելով վարչապետի առաջարկութիւնը` համաձայն Սահմանադրութեան 132-րդ յօդուածի 1-ին մասի 2-րդ կէտի.
Գագիկ Ղալաչեանին նշանակել Ղազախստանի Հանրապետութիւնում Հայաստանի Հանրապետութեան արտակարգ եւ լիազօր դեսպան (նստավայրը՝ Ասթանա)»,-ըսուած է նախագահի հրամանագրին մէջ:
Նախագահի մէկ այլ հրամանագրով Արա Սահակեանը, որ այս պաշտօնը կը զբաղցնէր 2013 թուականէն, ետ կանչուած է Ղազախստանի Հանրապետութեան եւ Ղրղզստանի Հանրապետութեան մէջ Հայաստանի Հանրապետութեան արտակարգ եւ լիազօր դեսպանի պաշտօնէն:
«Հիմք ընդունելով վարչապետի առաջարկութիւնը` համաձայն Սահմանադրութեան 132-րդ յօդուածի 1-ին մասի 2-րդ կէտի.
Արա Սահակեանին յետ կանչել Ղազախստանի Հանրապետութիւնում եւ Ղրղզստանի Հանրապետութիւնում Հայաստանի Հանրապետութեան արտակարգ եւ լիազօր դեսպանի պաշտօնից»,-ըսուած է հրամանագրին մէջ:
