21.96c
Երեվան
չրք, հլս 22
Ֆրանսայի տաղաւարը Ֆրանքոֆոնիայի աւանին մէջ կը գործէ «Հնարաւորութիւններու ֆրանսերէն» ոգիով՝ ներկայացնելով ներկայիս Ֆրանսան:
«Արմէնբրես»-ի հաղորդմամբ՝ Հայաստանի մէջ Ֆրանքոֆոնիայի գագաթնաժողովի շրջածիրէն ներս կազմակերպուած աւանին մէջ Ֆրանսայի տաղաւարի պաշտօնական բացումը կայացաւ 7 հոկտեմբերին:
«Ֆրանսայի տաղաւարը ստեղծուել է «Հնարաւորութիւնների ֆրանսերէն» ոգով, որովհետեւ ֆրանսերէնն այդպէս է բնորոշում նախագահ Էմանուէլ Մաքրոնը: Մենք փորձել ենք այս տաղաւարում ֆրանսերէնը ցոյց տալ իր բոլոր տարրերով: Այստեղ կարելի է տեսնել թուային թեխնոլոկիաներ, վիրթուալ իրականութիւն, տեսախաղեր»,- «Արմէնբրես»-ի հետ զրոյցի ժամանակ այս մասին նշած է Հայաստանի մէջ Ֆրանսայի դեսպանատան մամուլի կցորդ Լենա Գիւլխասեանը:
Ֆրանսայի տաղաւարին մէջ կայ նաեւ յատուկ տարածք՝ նուիրուած գործարարութեան, ուր բոլոր ֆրանքոֆոն գործարարները կրնան հանդիպիլ, կազմակերպել տարբեր սեմինարներ:
Ներկայացուած է նաեւ Ֆրանսայի զարգացման գործակալութիւնը, որու հետ կարելի է պիզնես-քննարկումներ կազմակերպել: Տաղաւարին մէջ կայ նաեւ արհեստներուն նուիրուած տարածք:
Տաղաւարին մէջ են ֆրանս-հայկական մասնագիտական ուսումնական կեդրոնի ուսանողները, որոնք վարսայարդարութեան, խոհարարութեան ցուցադրութիւններ կ'ըննեն: Կան նաեւ Հայաստանի մէջ ֆրանսական կրթական ցանցի ներկայացուցիչներ՝ Հայաստանի մէջ ֆրանսական համալսարանը, դպրոցը։ Անոնք կը ներկայացնեն իրենց կրթական ծրագիրները, գործունէութիւնը Հայաստանի մէջ։
Տաղաւարին մէջ կը գործէ առանձին սրահ՝ քոնֆերանսներու համար: Քննարկումներ պիտի ըլլան ինչպէս պիզնեսի վերաբերեալ, այնպէս ալ՝ թատերական ոլորտի, լեզուի վարպետութեան դասեր:
«Այս տաղաւարով ուզում ենք ցոյց տալ այսօրուայ Ֆրանսան: Այն եւ մշակութային, եւ գործարար երկիր է: Ներկայացնում ենք ողջ բազմազանութիւնը»,- ընդգծած է Գիւլխասեանը:
