7.09c
Երեվան
երկ, հկտ 05
Թուրքիա- («Ալ-Տիար»- Պէյրութ)- Թուրքիոյ նախագահ Ռեճեփ Թայիփ Էրտողանը, ուրբաթ օր քննադատած էր Եւրամիութիւնը՝ անոր կողմէ վիզայի համաձանութեան գործադրման մէջ Անգարային առջեւ դրուած պայմանին համար: Այս մասին կը տեղեկացնէ «Ալ-Տիար», նշելով, որ Եւրամիութիւնը վերջին փոփոխութիւններու հետ կապուած, Թուրքիայէն պահանջած է վերատեսութեան ենթարկել ահաբեկչութեան վերաբերեալ օրէնքը, որպէսզի իր քաղաքացիները առանց վիզայի եւրոպական երկիրներ ճամբորդելու իրաւունք ստանան:
Էրտողան, զայրանալով նման պայմանի առաջադրումէն, հեռատեսիլով ունեցած իր ելոյթին յայտարարած է՝ «Մենք մեր ճանապարհով պիտի գալենք, դուք ալ՝ ձեր ճանապարհով»:
Աղբիւրի համաձայն, կը նախատեսուի, որ Էրտողանի այս յայտարարութիւնը ձախողցնէ առանց վիզայի թուրքերու Եւրոպա մտնելու վերաբերեալ համաձայնութիւնը:
Նշենք, որ Եւրամիութիւնը եւ Թուրքիան մարտ ամսուն փախստականներու հոսքիկասեցման վերաբերեալ նոյնպէս համաձայնութիւն ձեռք բերած էին: Պայմանագրի համաձայն, բացի վիզայի արտօնութենէն, Թուրքիոյ պիտի տրամադրուէր 3,3 միլիար տոլար՝ փախստականներու ծախսերը հոգալու համար:
