9.09c
Երեվան
շբթ, մյս 16
2024 թուականի յունուար 23-էն ապրիլ 12-ը Հայաստանի մէջ պիտի յայտարարուին պահեստազօրի առաջին խումբի առաջին եւ երկրորդ կարգերուն մէջ հաշուառուած շարքային, ենթասպայական եւ սպայական կազմերու պահեստազօրայիններու վարժական հաւաքներ։
Համապատասխան որոշումը 21 դեկտեմբերին ընդունուած է կառավարութեան նիստի ժամանակ։
Վարժական հաւաքներուն պիտի ներգրաւուի մինչեւ 2838 քաղաքացի, որոնցմէ 2579-ը՝ շարքային եւ կրտսեր ենթասպայական կազմերու, 98-ը`աւագ ենթասպայական կազմի, 161-ը`սպայական կազմի պահեստազօրայիններ՝ համազօրային մոթոհրաձգային, կապի, հետախուզական, ճարտարապետական, հրթիռա-հրետանային մասնագիտութիւններով:
Վարժական հաւաքներուն իւրաքանչիւր քաղաքացի պիտի ներգրաւուի ոչ աւելի, քան 25 օրացոյցային օր ժամկէտով։
