-2.91c
Երեվան
հնգ, դկտ 12
Հայկական կողմը Ռուսիոյ նկատմամբ իրեն մշտապէս պարկեշտ պահած է։ Այս մասին լրագրողներու հետ զրոյցին ըսած է Ազգային Ժողովի նախագահ Ալեն Սիմոնեանը։
Անոր պնդմամբ՝ Հայաստանը երբեւիցէ իրեն ոչ դաշնակցային ու ոչ գործընկերային ձեւով չէ դրսեւորած։
«Ռուսաստանը փորձում է ինչ-որ բան անել, ինչը հայ հասարակութեան մէջ հակառակ էֆեկտն է տալիս: Ես չգիտեմ՝ իրենց խորհրդատուներն ովքեր են, թող յաջորդ անգամ երկու անգամ մտածեն նման բան անելուց», - կարծիք յայտնած է Ազգային Ժողովի նախագահը։
Յիշեցնենք, որ Հայաստանի մէջ Ռուսիոյ դեսպան Սերկէյ Քոփիրքի կանչուեցած է Հայաստանի արտաքին գործոց նախարարութիւն, անոր բողոքագիր յղուած է։ Սա տեղի ունեցած է հոկտեմբերի 23-ին «Առաջին Ալիք» համառուսական դաշնակցային պատկերասփիւռի կայանի եթերէն սփռուած հաղորդումին գծով, որուն ընթացքին հնչած են վիրաւորական եւ բացարձակապէս անընդունելի արտայայտութիւններ Հայաստանի բարձրաստիճան պաշտօնեաներու հասցէին։
