image
Հրատապ լուրեր:

Տոնեցքի մէջ. Ուքրանիոյ հարուածին հետեւանքով զոհերուն թիւը անցաւ 25-ը

Տոնեցքի մէջ. Ուքրանիոյ հարուածին հետեւանքով զոհերուն թիւը անցաւ 25-ը

Ուքրանիոյ զինուժի կողմէ Տոնեցքի Քիրովսքի շրջանի Թեքսթիլշչիքի միքրոշրջանի շուկայի գնդակոծութեան հետեւանքով զոհերու թիւը 18-էն հասած է 25-ի, վիրաւորուած է 10 տեղի բնակիչ, յայտնած է քաղաքապետ Ալեքսէյ Քուլեմզինը։ Այս մասին յայտնած է «ՌԻԱ Նովոսթի»-ն:

Ինքնահռչակ Տոնեցքի Ժողովրդական Հանրապետութեան ղեկավար Տենիս Փուշիլինն աւելի վաղ յայտնած էր 13 զոհի մասին:

«Նախնական տեղեկութիւններով՝ Տոնեցքի Թեքսթիլշչիքի միքրոշրջանի շուկայի հրէշաւոր գնդակոծութեան հետեւանքով զոհուած է առնուազն 13, վիրաւորուած՝ 10 մարդ։ Շուկան յարձակման ենթարկուած է կիրակի, երբ մարդաշատ էր»,-ըսած է Փուշիլինը։

Ան նշած է, որ տարածքին մէջ կ՚աշխատին շտապօգնութեան ծառայութիւնները, եւ կ՚իրականացուի զէնքի բեկորներու որոնում։

Նաեւ քաղաքի քաղաքապետ Ալեքսէյ Քուլեմզինը յայտնած է Տոնեցքի Քույպիշեւսքի շրջանին մէջ ուքրանական անօդաչու թռչող սարքի յարձակման մասին։ Անոր խօսքով՝ զինամթերքը նետուած է վերանորոգման խումբի վրայ, որ կը վերացնէր ջեռուցման ցանցերու մէջ եղած վթարը։ Յարձակման հետեւանքով վիրաւորուած է մէկ աշխատակից։