Թուրքիան «Ցեղասպանութիւն» չէ գործած. Էրտողան

Թուրքիան «Ցեղասպանութիւն»  չէ գործած. Էրտողան

Թուրքիան իր պատմութեան ընթացքին «երբեք չէ մասնակցած ցեղասպանութեան». այս մասին, Anadolu գործակալութեան հաղորդմամբ, յայտարարած է այդ երկրի նախագահ Ռեճէպ Թայէպ Էրտողանը:

«Թուրքիան իր պատմութեան ընթացքին երբեք չէ հանդուրժած ճնշում կամ չէ մասնակցած ցեղասպանութեան եւ շահագործման՝ ի տարբերութիւն անոնց, որոնք այսօր կը լռեն Իսրայէլի վայրագութիւններու մասին», - ըսած է Թուրքիոյ ղեկավարը։

Ան այս մասին ըսած է՝ անդրադառնալով Կազայի հատուածին մէջ իսրայէլեան յարձակման թեմային։

Նշենք, որ Օսմանեան կայսրութեան մէջ տեղի ունեցած Հայոց ցեղսապանութեան հետեւանքով զոհուած է 1,5 միլիոն մարդ: