Թրքական լիրայի անկումն աւարտած է, տոլարի նկատմամբ արժոյթի ամրապնդման մեծ հաւանականութիւն կայ։ «ՌԻԱ Նովոսթի»ի հաղորդմամբ՝ Ալժիրէն վերադառնալէ ետք լրագրողներուն յայտնած է Թուրքիոյ նախագահ Ռեճէպ Թայէպ Էրտողանը:
«Գնաճի նուազեցման մեր կողմէ կիրառուող ծրագիրը շատ մեծ հաւանականութեամբ կրնայ յանգեցնել լիրայի արժէքի իրական գնահատման։ Այսպիսով, լիրայի արժէզրկման գործընթացն աւարտած է, մեծ հաւանականութիւն կայ, որ լիրան կ՚ամրապնդուի», -ըսած է Էրտողան։
Անոր խօսքով՝ իշխանութիւնը ձեռք կը բերէ ներդրողներու վստահութիւնը՝ իրականացնելով կառուցողական բարեփոխումներ եւ առողջ տնտեսական քաղաքականութիւն, որ կը յանգեցնէ իրացուելիութեան ներհոսքի ու լիրայի իրական փոխարժէքի:
«Որպէս արդիւնք, տնտեսութեան ողջամիտ աճ կ՚ըլլայ եւ միեւնոյն ժամանակ կը նուազի գնաճը», - նշած է Էրտողան:
Թրքական արժոյթն այս տարուան սկիզբէն իւրաքանչիւր ամսուան արդիւնքներով, բացի օգոստոսէն, աժանցած է։ Այս պահուն ազգային արժոյթի փոխարժէքը մէկ տոլարի դիմաց կը հազմէ 28,8 լիրա: