26.19c
Երեվան
երք, հնս 23
Մոսկուայի մէջ հանդիպման ընթացքին Նիկոլ Փաշինեան եւ Վլատիմիր Փութին ընդգծած են Հարաւային Կովկասի մէջ բոլոր տնտեսական կապերու եւ ճանապարհային ուղիներու ապաշրջափակման հարցով եռակողմ աշխատանքային խումբի գործունէութեան աշխուժացման կարեւորութիւնը` Ատրպէյճանի, Հայաստանի եւ Ռուսաստանի փոխվարչապետներու համատեղ նախագահութեամբ:
Ռուսաստանեան կողմը պատրաստակամութիւն յայտնած է մասնակցելու Հայաստանի երկաթուղային ենթակառուցուածքներու, այդ շարքին՝ Հայաստանի Հանրապետութեան Սիւնիքի եւ այլ մարզերու մէջ երկաթուղիի վերականգնման նախագիծերուն:
Կողմերը նաեւ պայմանաւորուած են, համաձայն 2021-ի Նոյեմբեր 26-ի եռակողմ պայմանաւորուածութիւններուն, արագացնել հայ-ատրպէյճանական սահմանի շրջանին մէջ սահմանազատման եւ անվտանգութեան հարցերով երկկողմ յանձնաժողովի ստեղծումը` կողմերու հարցումով Ռուսասատանի Դաշնութեան խորհրդատուական աջակցութեամբ:
Փութին եւ Փաշինեան նաեւ ողջունած են հայ-թրքական յարաբերութիւններու կարգաւորման մեկնարկած գործընթացը, ըսուած է Քրեմլի տարածած համատեղ յայտարարութեան մէջ:
