18.09c
Երեվան
չրք, մյս 06
Աֆղանիստանէն տարհանուած Հայաստանի երկու քաղաքացիները, պարզուած է, խառն ընտանիքի ներկայացուցիչներ են՝ մայր եւ երեխայ։ Այս մասին յայտնած են Ռուսաստանի մէջ Հայաստանի դեսպանատունէն։
Ռուսաստանի Պաշտպանութեան նախարարութիւնը յայտնած է, որ Քապուլէն տարհանուած Ռուսաստանի, Պելառուսիոյ, Ուքրանիոյ, Հայաստանի եւ Աֆղանիստանի քաղաքացիներով ինքնաթիռները վայրէջք կատարած են մերձմոսկովեան Չքալովսքի օդակայանին մէջ։ Տարհանումը կազմակերպած է Ռուսաստանի պաշտպանութեան նախարար Սերկէյ Շոյկուն՝ նախագահ Վլատիմիր Փութինի յանձնարարութեամբ։
«Սա խառն ընտանիք է, որ կը բնակի Ռուսաստանի մէջ։ Մայրն ու երեխան Հայաստանի քաղաքացիներ են, ամուսինը՝ Աֆղանիստանի քաղաքացի։ Անոնք մեկնած են Աֆղանիստան, ապա ընդհանուր ծանր իրավիճակին պատճառով մնացած են այնտեղ, իսկ այժմ զանոնք տարհանած են», յայտնած են դեսպանատունէն։
