5.09c
Երեվան
հնգ, հկտ 03
Ռուսական Cosmopolitan-ը հաղորդում է, որ աշխարհահռչակ դերասան Բեն Աֆլեքի եւ Ջենիֆեր Գարների երեխաների դայակ, 28-ամյա հայուհի Քրիստինե Ուզունյանն այլեւս չի վերադառնա դայակի իր աշխատանքին. նա պատրաստվում է մտնել հոլիվուդյան աշխարհ: Ուզունյանն առաջիկայում հանդես կգա ամերիկյան հանրահայտ շոուներից մեկում: Վերջին շրջանում մամուլի ուշադրության կենտրոնում հայտնված Քրիստինե Ուզունյանն այժմ փնտրում է վստահելի գործակալ` հոլիվուդյան կյանք մտնելու համար:
Հիշեցնենք, որ հոլիվուդյան ամենաամուր համարվող զույգերից մեկը` Բեն Աֆլեքն ու Ջենիֆեր Գարները մոտ մեկ ամիս առաջ հայտարարել են իրենց ամուսնալուծության մասին, այն բանից հետո, երբ մամուլում տեղեկություններ հայտնվեցին, թե Բեն Աֆլեքը հանդիպում է իր երեք երեխաների դայակի հետ: Չնայած Բեն Աֆլեքը հերքել է տեղեկությունը, սակայն պապարացիներին հաջողվել է որսալ Քրիստինե Ուզունյանի եւ հանրահայտ դերասանի ուշ գիշերային հանդիպումներից մի դրվագ: Կասկածներն ավելի հաստատուն դարձան, երբ Քրիստինե Ուզունյանն օրերս ցուցադրեց իր թանկարժեք մեքենան:
