26.19c
Երեվան
երք, հնս 23
ՀՀ վարչապետ Նիկոլ Փաշինեան երկօրեայ պաշտօնական այցով ժամանեց Ռուսաստանի Դաշնութիւն: Օդակայանին մէջ ՀՀ վարչապետին դիմաւորեցին ՌԴ արտաքին գործոց նախարարի տեղակալ Անտրէյ Ռուտենքօն եւ ՌԴ ԱԳՆ պետական արարողակարգի պետ Իկոր Պոկտաշեւը:
Վարչապետ Փաշինեան հանդիպում պիտի ունենայ Ռուսաստանի նախագահ Վլատիմիր Փութինի հետ:
Երկու երկիրներու առաջնորդները պիտի քննարկեն հայ-ռուսական ռազմավարական եւ դաշնակցային յարաբերութիւններու հետագայ զարգացման վերաբերող օրակարգային հարցեր: Անդրադարձ պիտի կատարուի Հայաստանի, Ռուսաստանի եւ Ատրպէյճանի առաջնորդներու` 2020 թուականի Նոյեմբեր 9-ի, 2021 թուականի Յունուար 11-ի եւ Նոյեմբեր 26-ի եռակողմ յայտարարութիւններու կատարման ընթացքին:
Նիկոլ Փաշինեան Ապրիլ 20-ին հանդիպում պիտի ունենայ նաեւ Ռուսաստանի վարչապետ Միխայիլ Միշուսթինի, Ռուսաստանի Պետական Տումայի նախագահ Վեաչեսլաւ Վոլոտինի, Ռուսաստանի Դաշնային ժողովի Դաշնութեան խորհուրդի նախագահ Վալենթինա Մաթվիենքոյի հետ:
Նախատեսուած է նաեւ վարչապետի այցը Նիժնի Նովկորոտ:
