3.09c
Երեվան
չրք, դկտ 18
Ատրպէյճանի եւ Հայաստանի միջեւ ճանապարհային հաղորդակցութիւններու բացումը նոր թեմա չէ, Ատրպէյճանի մէջ կը կառուցուի ճանապարհային ենթակառուցուածք, որ շուտով պիտի հասցուի Հայաստանի հետ սահման, այս մասին ըսած է Ատրպէյճանի Արտաքին գործոց նախարար Ճէյհուն Պայրամով:
Ան նշած է, որ 2020-ի եռակողմ յայտարարութեան մէջ յատուկ կէտ կայ անոր վերաբերեալ. «այնտեղ յստակացուած են այն պարտաւորութիւնները, որոնք Հայաստանը կը ստանձնէ։ Այս թեման երկար ժամանակ քննարկուած է։ 3,5 տարուան քննարկումներէն յետոյ «ձեռք բերուած է պայմանաւորուածութիւն» արտայայտութիւնը կը համարենք ուշացած։ Այս պայմանաւորուածութիւնը պէտք է վաղուց ձեռք բերուած ըլլար։ Եթէ այս հարցի վերաբերեալ դեռ պաշտօնական փաստաթուղթ չկայ, եթէ Հայաստանն այս ուղղութեամբ աշխատանքներ չէ սկսած, ուրեմն դեռ բաց հարցեր կան: Իսկ Ատրպէյճանի տարածքին մէջ երկար ժամանակ արագ ընթացքով աշխատանքներ կը տարուին ճանապարհային ենթակառուցուածքի ստեղծման ուղղութեամբ, որ շուտով կը հասցնի Հայաստանի հետ սահման»,- ըսած է ան:
Ան աւելցուցած է, որ ներկայիս ատրպէյճանական կողմի ուշադրութիւնը կեդրոնացած է COP29-ի վրայ, եւ հայկական կողմի հետ հանդիպումը խաղաղութեան պայմանագիրի նախագիծը քննարկելու համար մինչեւ դեկտեմբեր անհնար է։ Պայրամովի խօսքով՝ նման հանդիպում կրնայ տեղի ունենալ դեկտեմբերին կամ յունուարին, սակայն յստակ պայմանաւորուածութիւն այս հարցով դեռ չկայ։
