4.09c
Երեվան
ուրբ, փտր 27
Միացեալ Թագաւորութիւնը 1 միլիոն ֆունտ ստերլինկ պիտի տրամադրէ Կարմիր խաչի միջազգային կոմիտէին՝( ԿԽՄԿ) ի աջակցութիւն Լեռնային Ղարաբաղի մէջ ստեղծուած իրավիճակի մարդասիրական արձագանգին։
«Արմէնփրես»-ի հաղորդմամբ՝ այս մասին տեղեկացուցած է Միացեալ Թագաւորութեան կառավարութիւնը:
Յայտարարութեան մէջ ըսուած է, որ ֆինանսաւորումը նախատեսուած է անհրաժեշտ դեղորայքի, բժշկական ծառայութիւններու եւ այլ էական աջակցութիւն տրամադրելու համար Լեռնային Ղարաբաղի եւ տարածաշրջանի մէջ խոցելի անձերու:
1 միլիոն ֆունտ ստերլինկ ֆինանսաւորումը կ'աջակցի ԿԽՄԿ-ին, որ կ'աշխատի վիրաւորները տեղափոխելու եւ տեղահանուած ընտանիքները կապի մէջ պահելու համար:
Միացեալ Թագաւորութեան՝ Եւրոպայի հարցերով նախարար Լէօ Տոխերթի ըսած է, որ ֆինանսական այս փաթեթը կ'օգնէ պաշտպանելու ընտանիքները եւ կարեւոր օգնութիւն կ'ըլլայ խոցելի մարդոց համար:
