-1.91c
Երեվան
ուրբ, դկտ 27
ՀՅԴ Լիբանանի Կեդրոնական Կոմիտէի ներկայացուցիչ եւ խորհրդարանի անդամ երեսփոխան Յակոբ Բագրատունի այսօր այցելութիւն տուաւ Պաապտայի նախագահական պալատ եւ ընթացող քննարկումներու ծիրէն ներս հանդիպում ունեցաւ Լիբանանի նախագահ զօր. Միշէլ Աունի հետ:
Բագրատունի նախագահին հետ իր ունեցած հանդիպման աւարտին ճեպազրոյց մը ունեցաւ լրատագրողներուն հետ, ուր մասնաւորապէս ըսաւ «Մենք երկիրը քաղաքական տագնապէն դուրս բերելու ուղղոած նախագահ Աունի նախաձեռնութեան եւ գործադրած ճիգերուն հետ ենք: Կը յուսանք նաեւ, որ այս քաղաքական տագնապը շուտով կ'աւարտի ու վարչապետ Սաատ Հարիրի յետս կոչելով իր հրաժարականը կը գլխաւորէ կառավարութիւնը»:
Յիշեցնենք, որ նախագահ Աուն այսօր առաւօտեան ժամերէն սկսեալ հերթաբար ընդունած է երկրի քաղաքական կուսակցութեանց ներկայացուցիչները:
Ըստ լիբանանեան աղբիւրներու քննարկումները կը կեդրոնանան վարչապետ Սաատ Հարիրիի հրաժարական տալէն ետք ստեղծուած տագնապին լուծումներ որոնելու վրայ:
Հարիրի, որ հրաժարած էր անցնող 4 նոյեմբերին անսալով նախագահ Աունի փափաքին սառեցուցած էր իր հրաժարականը:
