8.09c
Երեվան
երկ, մրտ 30
Փոխադարձ ծանօթացման լոյսին տակ, Առաջնորդ Սրբազան Հայրը շնորհաւորեց Տիար Նասսարի նշանակումը սոյն կարեւոր պաշտօնին եւ նշեց, որ Կիլիկիոյ Կաթողիկոսութեան Սրբազան հայրերը իրենց կարգին նաեւ հոգեւոր դեսպաններն են Լիբանան հայրենիքին:
Մեծի Տանն Կիլիկիոյ ԱՄՆ Արեւմտեան Թեմի մամլոյ դիւանէն վերահասու կը դառնանք՝
Հինգշաբթի, 12 Մարտ 2026-ին, Արեւմտեան Թեմի Առաջնորդ՝ Գերշ. Տ. Գեղամ Ս. Արք. Խաչերեան, ընդունեց քաղաքավարական այցելութիւնը Լոս Անճելըսի մէջ Լիբանանի նորանշանակ Ընդհ. հիւպատոս Տիար Շարպել Նասսարի:
Փոխադարձ ծանօթացման լոյսին տակ, Առաջնորդ Սրբազան Հայրը շնորհաւորեց Տիար Նասսարի նշանակումը սոյն կարեւոր պաշտօնին եւ նշեց, որ Կիլիկիոյ Կաթողիկոսութեան Սրբազան հայրերը իրենց կարգին նաեւ հոգեւոր դեսպաններն են Լիբանան հայրենիքին:
Լիբանանցի պաշտօնակատարը իր հերթին ուրախութիւն յայտնեց հանդիպման այս առիթին համար եւ տեղեկացուց Առաջնորդ Սրբազան Հայրը, որ Ընդհանուր հիւպատոսին գրասենեակը միշտ բաց է ընդառաջելու Լիբանանի զաւակներու քաղաքացիական տեսակ-տեսակ դիմումներուն եւ պատասխանելու հարցումներուն:
Մտերմիկ հանդիպման աւարտին, տեղի ունեցաւ նուէրներու փոխանակում: Առաջնորդ Սրբազան Հայրը Ընդհ. հիւպատոսին նուիրեց Կիլիկիոյ Կաթողիկոսութեան Գահակալ՝ Ն.Ս.Օ.Տ.Տ. Արամ Ա. Վեհափառ Հայրապետի ծառայութեան 30-ամեակին նուիրուած գեղազարդ ալպոմէն օրինակ մը, մինչ պետական ներկայացուցիչը Առաջնորդ Սրբազան Հօր նուիրեց Լիբանանը խորհրդանշող պատմական բրածոյ յուշանուէր մը։
