Լիբանան- Լիբանանցի Տիւրզի համայնքի ղեկավար Ուալիտ Ժոմպլաթ իր Twitter-եան հաշուով գրառում մը կատարելով երկրի ներքին գործոց նախարարէն պահանջած է հրաժարական տալ: Ժոմպլաթ ըսած է, որ ցուցարարներուն վրայ գործադրուած բռնութիւնները անընդունելի են եւ իր խօսքը նախարար Մաշնուքին ուղղելով անկէ պահանջած է հրաժարական տալ: Նշենք, որ նախարար Մաշնուք կը գտնուի երկրէն դուրս եւ ան յայտնած է, թէ ինք ամէն ճիգ պիտի գործադրէ լուծելու աղբահանութեան հարցը: Նոյն առումով ներքին գործոց նախարարութեան ապահովութեան մարմինները յայտնած են, թէ իրենց անդամ 35 զինուորներ վիրաւորուած են: Այս պահուն հանդարտ իրավիճակ կը տիրէ Պէյրութի կեդրոնական հատուածին մէջ: «Արեւելք» Կը շարունակէ հետեւիլ իրադարձութեանց ընթացքին: