15.09c
Երեվան
չրք, սպտ 18
29 օր առաջ սկիզբ առած բողոքի ալիքը կը շարունակուի Լիբանանի մէջ։
Այս մասին լուրը կը հաղորդէ VDL կայանը, նշելով, որ այսօր առաւօտ տասնեակ ճանապարհներ կը շարունակեն մնալ փակուած։
Կը նախատեսուի նաեւ, որ այսօր կէսօրին մեծ թիւով բողոքարարներ հասնին Պէյրութի կեդրոնական «Ռիատ ալ սոլհ» եւ «Նահատակաց» հրապարակներ մասնակցելու համար երէկ Խալտէ շրջանին մէջ նահատակուած քաղաքացի՝ Ալա Ապու Ֆախըրի խորհրդանշական թաղման արարողութեան։ Միւս կողմէ հարիւրաւոր ցուցարարներ կը պատրաստուին մեկնիլ Շույէֆէթի գաւառակ՝ մասնակից ըլլալու Ապու Ֆախըրի յուղարկաւորութեան արարողութեան։
Քաղաքական գետնի վրայ մինչեւ այս պահը աղօտութիւն կը տիրէ եւ անյայտ պատճառներով երկրի նախագահ զօր. Միշէլ Աուն կը յետաձգէ նոր վարչապետի անուան հետ կապուած պարտադիր խորհրդակցութիւններու ազդանշան տալը, իսկ հրաժարեալ վարչապետ Սաատ Հարիրի, որ ցարդ յստակ կեցուածք մը չէ յայտարարած, նշած է, որ ինք չէ հրաժարած դարձեալ պաշտօն ստանձնելէ, սակայն իր համար այս փուլին նախընտրելի է գլխաւորել ոչ քաղաքական-մասնագէտներու կառավարութիւն մը։
